كتب أدبية
كتاب آخر أيام نوفمبر – تامر عبده أمين
– قدامك وقت قد ايه على طيارتك؟
– عشر ساعات، بس لازم أكون في المطار قبلها بفترة، يعني باقي 6 ساعات كدة، ليه؟
– اوصفهالي، وأنا هرسمها من وصفك.
العرض كان مجنون، بس الفكرة إن “ريميه” طرح عرض مجنون على واحد أجنّ منه أصلًا.. عصرتْ دماغي عشان أفتكر كل تفاصيل ملامحها وأوصفهاله، الدنيا مطّرت علينا وأغلب الناس مشيوا، مسكتْ له الشمسية الكبيرة بتاعته، وكنّا بنتكتك من السقعة وهو مكمل رسم بمنتهى الحماس، وأنا تقريبًا نشفت، كان كل اللي شاغلني (يا ترى هيعرف يرسمها؟).. الكلام خدنا، اكتشفت مع الوقت إن أحلى شوية فضفضة هما اللي بيتقالوا أو بتسمعهم مع حد ما تعرفوش، تحت المطر، ومع شوية مزيكا، الحكي بيبقى له طعم في نوفمبر وتحديدًا في أواخر أيامه.
تذكر أنك حملت هذا الكتاب من موقع قهوة 8 غرب
